فريلانسر FreeLancer

FreeLacerفريلانسر

موضوع مقدم لكم من فايدة تك.. كل ما هو مفيد لك في العديد من المجالات

هنتكلم عن الفريلانسر هو ايه و ازاي تبدا فيه من للاول.

هو عبارة عن شغل بين شخصين.. زي اولكس بين بائع و مشتري بس مافيش منتج .. المنتج اللي موجود هو شغل زي الفوتوشوب زي الترجمه زي الحاجات دي. في مجالات كتيير جدا و في مواقع بتديك الفرضه انك تزود قسم جديد براحتك

انت ممكن تدخل تشوف المجال اللي ناس كتيير بتستخدمه و شايفه يناسبك تبتدي تشتغل فيه..

هتبتدي ازاي طيب..

هتبتدي عن طريق انك تاخد كورسات من علي مواقع الكورسات في منها مجانيه في منها انجليزي و عربي لو في عندك مشكله في اللغه. هتاخد الكورس ان شاء الله لمدة شهور او حتي سنه او سنتين مش مشكله. و تخلص كورس تاخد تاني ممكن

و لو مجالك هيدخلك في حتة تانيه ادخل خد كورس فيها عشان لو جالك شغل يفتح عليه ميبقاش فيه مشكلة

كده خلصنا الكورسات و الحمدلله بقي عندك الموهبه و المجال و العلم الكافي انك تعرض شغلك

هتدخل علي المواقع بتاعت الفريلانسر في منها الانجليزي و في منها العربي -لو في عندك مشكله في اللغه- و هتعرض ان شاء الله شغلك انك بتعمل حاجه معينه بسعر ده.

*طبعا ممكن تبدا بسعر قليل بحيث تجيب ناس الاول و بعدين يبقي سعرك زي بقيت الناس اللي شغالين زيك.

و لو خلصت الشغل صح و في ميعادك كل زبون بيبقي في ايده يديك نجوم او تقييم معين كل لما يزيد يبقي مفيد ليك عشان هيعرف بقيت الناس انك حد شاطر

طيب نيجي بقي لسحب الفلوس..

بنستخدم paypal

ازاي ؟ .. بنروح مكتب بريد رئيسي تقوله عايز كارت فيزا نت رجال اعمال ( مش ماستر كارد ) بيكلفك حوالي 130 جنيه.. 30 تجيبها و 100 شحن او مره

تمام.. بعدين يوم او اتنين يبقي الكارت اتفعل و كل حاجه تمام كده انت تعمل حساب علي الpaypal و تربطه بالفيزا.. و اي فلوس تجيلك سهل ان شاء الله انك تحولها عليه

ملحوظه ان شاء الله في ناس ممكن تكسب بالالف دولار او اكتر كمان في الشهر

ان شاء الله يبقي في موضوع تاني عن مجال من اللي انا ان شاء الله ابتدي فيها

لو في اسالة ممكن تبعتولنا علي صفحتنا علي الفيس

مواقع الكورسات

http://adf.ly/1kD0AE

مواقع فريلانسر عربي

http://adf.ly/1kD0Tv

مواقع فريلانسر انجليزي

http://adf.ly/1kD0i8